| now
tell mi someting
mistah govahment man
tell mi someting
how lang yu really feel
yu coulda keep wi andah
heel
wen di trute done reveal
bout how yu grab an steal
bout how mek yu crooked
deal
well doun in Soutall
where Peach
did get fall
di Asians
dem faam-up a human wall
gensi di fashist
an
dem police sheil
an dem show dat di Asians gat
plenty zeal
it is noh mistri
wi mekkin histri
it is noh mistri
wi winnin victri
now tell mi someting
mistah policespokesman
tell mi someting
how lang yu really tink
wi woulda tek yu batn lick
yu
jackboot kick
yu dutty bag a tricks
an yu racist
pallyticks
well doun in Bristal
dey ah no pistal |
but
dem chase di babylan
away
man yu shoulda si yu babylan
how dem really run away
yu shoulda si yu babylan dem
dig-up dat day
it is noh mistri
wi mekkin histri
it is noh mistri
wi winnin victri
now tell mi someting
mistah ritewing
man
tell mi someting
how lang yu really feel
wi woulda grovel an squeal
wen so much murdah canceal
wen wi woun cyaan heal
wen wi feel di way wi feel
well dere woz Toxteth
an dere woz Moss
Side
an a lat a addah places,
whey di police ad to hide
well dare woz Brixtan
an dere woz Chapeltoun
an a lat a addah place dat
woz burnt to di groun
it is noh mistri
wi mekkin histri
it is noh mistri
wi winnin victri
|